रोचक

तपाईकाे टेलिभिजनमा बिदेशि च्यानल नआउनुकाे कारण

काठमाडौं, ८ कात्तिक । सरकारले गएरातिबाट विदेशी टेलिभिजन च्यानलहरु विज्ञापनरहित (क्लिन फिड) प्रसारण गर्नुपर्ने नियम लागू गरेसँगै कतिपय च्यानलहरुको प्रसारण रोकिएको छ ।

विज्ञापन ऐन अनुसार यससँगै मध्यरातबाट स्थानीय भाषामा विज्ञापन नबनेसम्म नेपालमा प्रसारण हुने विदेशी च्यानलहरु विज्ञापनरहित हुँदैछन् । यसका लागि सरकारले केबल तथा सेटेलाइट अपरेटरहरुलाई निर्देशनसमेत दिइसकेको छ । कात्तिक ८ बाट अनिवार्य क्लिनफिड लागू गर्न सरकारले निर्देशन दिएको केबल तथा सेटेलाइट अपरेटरहरुले बताएका छन् ।

सरकारले क्लिनफिड कडाईका साथ लागू गर्दै पालना नगर्नेलाई कारबाहीको संकेत दिएपछि केबल तथा सेटेलाइट टेलिभिजन अपरेटरहरुले क्लिनफिड लागू भएबाहेकका अन्य च्यानलहरुको प्रसारण बन्द गर्ने बताएका छन् ।                                             यसैले यो कार्यान्वयनमा आउँदा कात्तिक ७ को मध्यरातपछि थुप्रै चर्चित विदेशी च्यानलहरुको प्रसारण रोकिएको छ । अब नेपालीले हेर्दै आएका लोकप्रिय च्यानलहरु पनि विज्ञापनरहित भएर नेपाली अपरेटरहरुले प्राप्त नगरेसम्म नेपालमा अब प्रसारण हुने छैन ।

Related Articles

Back to top button