Saturday, October 24सुदुर मिडिया द्वारा संचालित
Shadow

यी कार्य गर्दा प्रशन्न हुन्छन् श्रीगणेश

गणेशको आराधना नगरी कुनै कार्य गर्दा पनि सफल हुँदैन भन्ने मान्यता रहेको छ । मंगलबारको दिन भगवान गणेशको दर्शन आराधना गर्नाले सबै कार्य शिद्धि हुन्छ भन्ने मान्यता छ। करोडौं सुर्यको जस्तो तेज भएका भगवान गणेशलाई आराधना गर्नाले बिघ्न बाधा र अधुरा काम पूरा हुन्छन् भन्ने मानिन्छ।

मंगलबार बिहानै मोमबत्ती या दीप बाल्नुहोस् र बिहानको ध्यान गर्नुहोस् । साथै केही धार्मिक ग्रन्थहरु पढेर आफ्नो दिनको सुरुवात गर्नुहोस् ।बेलुका हात खुट्टा धुनुहोस्, कपडा फेर्नुहोस् अनि चोखो खाना (प्रसाद) बनाउनुहोस् । खाना (प्रसाद) प्रेम र सद्विचार अथवा कुनै मन्त्र उच्चारण गर्दै बनाउनुहोस् ।

यो मनन गर्नुहोस् कि, ब्रत या अन्य बेला खाना बनाउँदा पूर्णरुपमा त्यसमा ध्यान दिनुहोस् र प्रशन्न मन लिएर बनाउनुहोस् अनि मात्र खानाखाने मान्छेको आत्मा तृप्त हुन्छ । जब खाना (प्रसाद) तैयार हुन्छ, ध्यान अथवा पूजा गर्ने ठाउँमा फलफूल र प्रसाद राख्नुहोस् । पूजास्थानमा दीप, मोमबत्ती या अगरवत्ती बाल्नुहोस् । प्रकाशलाई स्वयं भगवानको उपस्थिति मानिन्छ । यसले ज्ञान र बुद्धि प्रदान गर्छ । फूल, फल र सुगन्ध विश्व, ब्रम्हाण्ड शक्तिको भेट मानिन्छ ।