Saturday, October 24सुदुर मिडिया द्वारा संचालित
Shadow

रुकुम पश्चिम सदरमुकाम खलंगा बजार सरसफाई

रुकुम पश्चिम असोज २७

रुकुम पश्चिमकाृ सदरमुकाम खलंगा बजार सरसफाई गरिएको छ । जिल्ला प्रहरी कार्यालय रुकुम पश्चिमको आयोजना र मुसिकोट नगरपालिका वडा नम्बर १ को सहकार्यमा आज खलंगा बजार सरसफाई गरिएको हो ।
६५ औँ प्रहरी दिवसका अवसर पारी त्रिवेणी चोक देखि कालिका थान हुँदै पुष्पला चोक सम्म र तल्लो बजार हुँदै जिप्रका सम्म सरसफाई गरिएको जिल्ला प्रहरी कार्यालयले जनाएको छ । बजारमा दुर्गन्ध फैलिन नदिन सरसफाई अभियान थालिएको बताइएको छ । अव प्रत्यक साता बजार सरसफाई गरिने प्रहरीले जनाएको छ ।
आज बजार सरसफाई गर्ने क्रममा खलंगा बजारका व्यवासायी तथा स्थानियहरुले लापर्वाहि गरेको पाइएको वडा नम्बर १ का वडा अध्यक्ष विरवल केसीले बताउनुभयो । घरको अगाडी फोहोर थुफोरेको, भान्साबाट निस्कीएको फोहोर जथाभावी फाल्ने गरेको नालीमा पनि फोहोर बनाएको पाइएको वडा अधयक्ष केसीको भनाई छ ।
बातावरण दुर्गन्ध भयो भने विभिन्न सरुवा रोगहरु लाग्ने भएकाले घर आगन वरिपरीको बातावरण सफा राख्न सरसफाईको क्रममा सबैलाई आग्रह गरिएको उहाँले बताउनुभयो ।