सोमबार , कार्तिक १, २०७८

बोल्दाबोल्दै प्रधानमन्त्री ओलीको यसकारण आयो आँखाभरी आँसु…

माघ २३, २०७७ शुक्रबार 25

बोल्दाबोल्दै प्रधानमन्त्री ओलीको यसकारण आयो आँखाभरी आँसु…

काठमाडौं

प्रधानमन्त्री केपी शर्मा ओलीले आज नारायणहिटी अगाडि उभिएर संघीयता र गणतन्त्रको पक्षमा अडिग रहने स्पष्ट पारे ।

उनले संघीय लोकतान्त्रिक गणतन्त्रलाई बलियो बनाउन आफू सधैं लडिरहने बताए ।

आफूले लोकतान्त्रिक गणतन्त्रका लागि लामो समययता लडेको स्मरण गराउँदै कसैको भ्रममा नपर्न भने ।

ओलीले संघीयता र गणतन्त्रको पक्षमा नारायणहिटी अगाडि उभिएर स्पष्ट पारेपनि धर्मको विषयमा केही बोलेनन्

आजको सभामा ओली निकै संयमित देखिए ।उनले विगतमा जस्तो आध्यात्मिक विषयवस्तुबारे केही बोलेनन् ।

ओलीले हिन्दुराष्ट्र स्थापनाको मुद्दा उठाउन खोजेको विषय उठिरहँदा आज पनि सभामा यसबारे केही स्पष्ट पारेनन् ।

उनले आफू धर्मनीरपेक्षताको पक्षमै रहेको अभिव्यक्ति समेत दिएनन् ।

उनले घुमाउरो भाषामा भने,‘हेर्दै जाऔं के के हुन्छ ।’वैशाखमा चुनाव गर्ने दृढता व्यक्त गरे ।

उनले भनेः चुनाव चुनाव चुनाव । तर, चुनावमा ओलीको राजनीतिक एजेन्डा आज पनि प्रष्ट भएन ।

देशभित्र र बाहिर ओलीले धर्मबारे के भन्छन् भन्ने चासो बढेको छ ।

उनले पशुपतिनाथमा संकल्प पूजा गरिसकेका छन् । उनको हिन्दु धर्मबारेको अभिव्यक्तिबारे चासो बढेको छ ।

तर, ओलीले धर्मास्त्र प्रयोग गर्ने नगर्ने अझै स्पष्ट भएको छैन ।बोल्दा बोल्दै उनी केही छिन रोक्किए ।

सभामा उपस्थितहरु तर्फ उनको ध्यान खिचियो । उनीहरु तर्फ हेदै ओली निकै खुशी भए ।

दुवै हात उठाएर शान्त शान्त भन्न थाले । त्यती बेला उनको गला अवरुद्व भइसकेको थियो ।

ओलीले अंगरक्षकसंग पानी मागे । पानी पिइसकेपछि उनी बोल्न मात्र के लागेका थिए आँखा भरी आँसु बगाए ।

चश्मा खोलेर सेतो रुमाल झिकी आँसु पुछ्न थाले । ओलीले आफू नजिकै आएकालाई चिसो लाग्यो भने ।

तर ओलीले भावविहल भइ आँसु झारेका थिए ।