Saturday, October 24सुदुर मिडिया द्वारा संचालित
Shadow

फेरि विद्यालय २० दिन बन्द,

दाङ, असोज २५

दाङको घोराही उपमहानगरपालिकाले कोरोना संक्रमण र जोखिम बढेपछि २० दिन सामुदायिक र संस्थागत विद्यालयमा सञ्चालन भैरहेको शिक्षण सिकाई क्रियाकलाप बन्द गर्ने निर्णय गरेको छ ।

नगरका कार्यबहाक प्रमुख श्री भरतमणि अर्यालको अध्यक्षतामा आज बसेको शिक्षा समितिको बैठकले विद्यालय २० दिन बन्द गर्ने, कक्षा ११ को परिक्षा स्थगित गर्ने निर्णय गरेको छ । साथै शिक्षा महाशाखा एवं विद्यालयहरुले भने दैनिक प्रशासनिक कार्यलाई निरन्तरता दिने निर्णय गरेको छ ।

यसअघि दाङको बबई गाउँपालिकाको वडा नम्बर ६ ले पनि आफ्नो वडामा रहेका विद्यालयलाई बन्द गरेको थियो । यस्तै समुदायमा कोरोना जोखिम देखिएपछि प्युठानको नौबहिनी गाउँपालिकाले पनि विद्यालय बन्द गरेको छ ।