सोमबार , अषोज ४, २०७८

कंचनपुरमा मृत अवस्थामा दुई ब्यक्ति फेला

अषोज २५, २०७७ आइतबार 40

कंचनपुरमा मृत अवस्थामा दुई ब्यक्ति फेला

कंचनपुरमा असोज २५,

कंचनपुरको छुट्टाछुट्टै स्थानमा दुई जनाको शब फेला परेको छ । जिल्लाको कृष्णपुर नगरपालिका र महाकाली नगरपालिकामा दुई जना मृत भेटिएको प्रहरीले जनाएको हो ।
जिल्ला प्रहरी कार्यालयका प्रवक्ता प्रहरी नायब उपरिक्षक अमर थापाले कृष्णपुर नगरपालिका वडा नम्बर ७ का ३५ वर्षीय रमेश राना र महाकाली नगरपालिका वडा नम्बर १ को पशुपति टोलकी ३५ वर्षकै तुलसीदेवी सुनार मृत भेटिएको बताए।
रानाको शव परीक्षणका लागि सेती प्रादेशिक अस्पताल धनगढीमा राखिएको छ भने सुनारको शव परीक्षणपछि आफन्तले बुझेका छन्।

उनीहरु दुवै जना झुण्डिएको अवस्थामा मृत भेटिएको बताउँदै प्रहरी नायब उपरिक्षक थापाले घटनाको अनुसन्धान भईरहेको जानकारी दिए।