Saturday, October 24सुदुर मिडिया द्वारा संचालित
Shadow

असोज २४ गते कर्णालीका ३ जिल्लामा नौ घन्टा बिद्युत सेवा अबरुद्ध हुने

असोज २३ सुर्खेत ।

नेपाल विद्युत प्राधिकरण वितरण केन्द्र सुर्खेतले शनिवार सुर्खेतसहित तीन जिल्लाको विद्युत सेवा नौ घण्टा अवरुद्ध हुने जनाएको छ । कोहलपुर–सुर्खेत प्रशारण लाइनको ३३ केभी लाइन नजिकका रुखका हांगाहरु काट्नुपर्ने भएकोले बिद्युत सेवा अवरुद्ध हुने भएको हो ।
विद्युत वितरण केन्द्र सुर्खेतका प्रमुख टंकराज गिरीका अनुसार मुख्य लाइन छोइएका रुखका हांगाहरु काट्ने कार्य गर्नुपर्ने भएकोले शनिवार बिहान ८ बजेदेखी साँझ ५ बजेसम्म दैलेख, सुर्खेत र जाजरकोटमा बिद्धुत सेवा अबरुद्ध हुनेछ ।
यस्तै रामघाट–कल्याणको ११ केभी लाइन निर्माण गर्ने काम पनि सोही समय भित्र नै सञ्चालन गरिने गिरीको भनाई छ । कल्याण प्रहरी चौकी नजिकै ३३ केभी लाइन ११ केभीमा परेकाले मर्मत गर्न लागिएको हो । त्यसैले उक्त क्षेत्रमा पर्ने लाइनको पनि विद्युत अवरुद्ध हुदाँ सुर्खेत, दैलेख र जाजरकोटका लाइन शनिवार दिनभर पूर्ण रुपमा बन्द हुनेछ ।