Monday, November 30सुदुर मिडिया द्वारा संचालित
Shadow

परिक्षणका लागि हुम्लाकाे स्वाव सुर्खेत ल्याईयाे

हुम्ला कात्तिक १२ ।हुम्ला जिल्लामा रहेकाे  जिल्ला अस्पताल हुम्लाले मङ्गलबार ३२ जनाको पीसीआर परिक्षणका लागी स्वाब सङ्कलन गरेको छ ।

कात्तिक दुई गते स्वाब सङ्कलन गरी ४ गते पोजेटिभ देखिएका एक अनमी र तीन सशस्त्र प्रहरी सहित उनीहरुको सम्पर्कमा आएका गरेर ३२ जनाको स्वाब सुर्खेत पठाइएको छ ।

पोजेटिभ देखिएका चार जना सहित उनका सम्पर्कमा आएका स्वास्थ्यकर्मी र सशस्त्र प्रहरी, एक ड्राइभरको स्वाब आज बुधबार विहान सुर्खेत पठाइएको जिल्ला अस्पतालका सूचना अधिकारी भक्ति फडेराले बताउनुभयो ।

हुम्लामा हालसम्म नौ जनामा कोरोना सङ्क्रमण देखिएको छ भने चार सक्रिय सङ्क्रमित रहेको सूचना अधिकारी फडेराले बताउनुभयो ।